ഏഴാമനായി ക്രീസിലെത്തിയ റൈഫി വെറും 16 പന്തില്‍നിന്ന് പുറത്താകാതെ 42 റണ്‍സെടുത്തു. നാല് പടുകൂറ്റന്‍ സിക്സറുകളും രണ്ടു ബൗണ്ടറിയും ഉള്‍പ്പെടുന്നതായിരുന്നു റൈഫിയുടെ ഇന്നിംഗ്സ്. ഒരവസരത്തില്‍ മൂന്നിന് 27 എന്ന നിലയില്‍ പരുങ്ങുകയായിരുന്നു കേരളം. കഴിഞ്ഞ മല്‍സരങ്ങളില്‍ മികച്ച സ്കോര്‍ കണ്ടെത്തിയ രോഹന്‍ പ്രേം(ഒന്ന്), സച്ചിന്‍ ബേബി(ആറ്), വി എ ജഗദീഷ്(15) എന്നിവര്‍ പെട്ടെന്ന് പുറത്തായതോടെ കേരളം തോല്‍വിയിലേക്ക് പതിക്കുകയായിരുന്നു. സ്കോര്‍ നൂറില്‍ നില്‍ക്കെ എട്ടാമത്തെയും ഒമ്പതാമത്തെയും വിക്കറ്റുകള്‍ തുടര്‍ച്ചയായി നഷ്ടമാകുകയും ചെയ്തു. എന്നാല്‍ മനസാന്നിദ്ധ്യം കൈവിടാതെ പോരാടിയ റൈഫി കേരളത്തിന് അര്‍ഹമായ വിജയം സമ്മാനിക്കുകയായിരുന്നു.
പുറത്താകാതെ 55 റണ്‍സെടുത്ത ഉബര്‍താണ്ടെയുടെ ബാറ്റിംഗാണ് വിദര്‍ഭയ്ക്ക് ഭേദപ്പെട്ട സ്കോര്‍ സമ്മാനിച്ചത്. കേരളത്തിന് വേണ്ടി പി പ്രശാന്ത് രണ്ടും ജഗദീഷ്, സച്ചിന്‍ ബേബി, സന്ദീപ് വാര്യര്‍ എ്നിവര്‍ ഓരോ വിക്കറ്റും നേടി. ദേശീയ താരം ഉമേഷ് യാദവിനെ കൂടാതെയാണ് വിദര്‍ഭ കളിക്കാനിറങ്ങിയത്.
സയിദ് മുഷ്താഖ് അലി ട്രോഫിയിലെ ഇന്ന് നടന്ന മറ്റ് മല്‍സരങ്ങളില്‍ പഞ്ചാബ് 25 റണ്‍സിന് ബംഗാളിനെ തോല്‍പ്പിച്ചപ്പോള്‍ ഒഡീഷ ഏഴുവിക്കറ്റിന് ദില്ലിയെ അട്ടിമറിച്ചു. മറ്റൊരു മല്‍സരത്തില്‍ ഉത്തര്‍പ്രദേശ് പത്ത് റണ്‍സിന് കര്‍ണാടകയെ പരാജയപ്പെടുത്തി. മുന്‍ ഇന്ത്യന്‍ താരം മുഹമ്മദ് കൈഫിന്റെ അര്‍ദ്ധസെഞ്ച്വറിയുടെ മികവിലാണ് ഉത്തര്‍പ്രദേശ് ജയിച്ചത്.
വെള്ളിയാഴ്ച നടക്കുന്ന മല്‍സരത്തില്‍ ഒഡീഷയാണ് കേരളത്തിന്റെ എതിരാളികള്‍. അവസാന മല്‍സരത്തില്‍ കേരളം ശനിയാഴ്ച ഗുജറാത്തിനെ നേരിടും. ഗ്രൂപ്പില്‍ ഒന്നാമതെത്തിയാല്‍ കേരളത്തിന് ഫൈനലില്‍ കടക്കാനാകും.
0 comments:
Post a Comment